أبـــ 6 ـــريل

ها أضربت و لا لأ ؟
طيب اللى أضرب....أضرب ليه؟
و اللى ما أضربش....ما أضربش ليه؟
أنا بفضل الله أضربت و مرحتش الجامعة النهاردة.... ودى ملاحظات فكرت فيها و حاجات لاقيتها

-1

صحيت الصبح حسيت أن الجو العام هادى جدا مش زى كل يوم _مش عارف بقى دى تخيلات و لا بجد

-2

أختى النهاردة راحت المدرسة لقت 4 معاها فى الفصل بس

-3

فى عمارة جنبنا بتتبنى قطعت علينا ارسال الدش فالحج أتصل بالراجل اللى ركبه علشان يجى يغير مكانه و كانت المفاجأة أن الراجل أعتذر لوالدى علشان "مضرب" و قاله هيعدى علينا بكرة ان شاء الله _ الصراحة فرحت أوى و انبسطت ان الراجل وصلهم رسالة فى البيت أن مش ابنهم لوحده اللى مضرب "ودماغه شمال" فى البلد

-4

لأن الأمر مكنش تكليف من الاخوان حسيت أنى فى أوقات كتير مش مظبط موضوع النية

-5

المكان الوحيد اللى ظل بيجمع الناس بعدد كبير برغم الأضراب كان المسجد فى الصلوات الخمسة

-6
استفزنى أوى "حبيب العادلى" وهو بيقول "أنا بحذر الشعب المصرى من الأضراب!!" يا أبن ال*** بتحذر الشعب المصرى كله!!! شكلهم عايزين يحبسوا ال70 مليون و الله يعملوها ما هى دماغهم لووووووووز

حقيقى أنا فرحان وواثق أن العدد تخطى الرقم المستهدف (200,000) بكتير , فرحان أن الشعب ابتدى يتحرك بجد و يطالب بحقوقه بجد و فى الآخر ان الله لا يغير ما بقوم حتى يغيروا ما بانفسهم صح ولا أنت شايف ايه؟