تــــــــــاج

أعتذر كثيرا للأخت الفاضلة أسراء (حكومة أوف لين) و لمتابعى المدونة الكرام للتأخر على الرد على التاج و أنا فعلا بجاوب دلوقتى و أنا عينى بتقفل لوحدهم فأرجو المعذرة لو الاجابات طغى عليها النـــــــــــ :) ـــــــــــــــوم

لوأعطيتك ثلاث وردات من هم الثلاث الأشخاص اللى هتهديهم الورد اللى معاك ؟؟

الوردة الأولى : د.محمود عبد الباقى (معامل الصرح) - الراجل ده فضله عليا بعد المولى عز و جل أكبر من أن تصفه كلمات

الوردة الثانية : لأخى و حبيبى فى الله د.محمد حسام عطية

الوردة الثالثة : لزوجتى الحبيبة (لما ربنا يرزقنا بقى ) هههه

لو أعطيتك ورقة بيها 3 سطور وقلت لك أكتب فيهم اللى أنت عيزه هتكتب إيه ؟؟

ستكون حتما رسالة شكر لأبى العزيز و أمى الكريمة لفضل لا تسعه 3 سطور أو حتى3 مجلدات....شكرا لهم على حرية و ثقة و دعم و تشجيع و تربية و أخلاق و تحفيز و صداقة و عطف و حنان و حاجات تانية كتير أوى (اللهم أرزقنى برهم على النحو الذى يرضيك عنى)..آمين

ما هو هدفك فى الحياة ؟؟

أن توجد للأسلام دولة ووطن ولو كان كل ما لى فيها قالب من الطوب

إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا ؟؟

طبعا هيكون أحسن علشان..."ان مع العسر يسرا"...وعلشان..."والله ليبلغن هذا الدين مابلغ الليل و النهار ولن يترك بيت مذر ولا وبر الا دخله بعز عزيز او بذل ذليل عز يعز به الله الاسلام وذل يذل به الله الكفر و المشركين"...وعلشان.. وعد الله الذين آمنوا و عملوا الصالحات ليستخلفنهم فى الارض وليمكنن لهم دينهم الذى ارتضى لهم وليبدلنهم من بعد خوفهم امنا يعبدوننى لايشركون بى شيئا ومن كفر بعد ذلك فاولئك هم الفاسقون)...كل المطلوب صبر , أمل والأهم عمــــــل

أجمل مقولة سمعتها فى حياتك ؟؟

نحن قوم أعزنا الله بالأسلام فان أبتغينا العزة فيما سواه أذلنا الله

من المغنى اللى بتحبه أوى و إيه أحلى أغنية ليه بتحبها ؟؟

أعشق فريق الوعد - خصوصا "قم عانق أرض الأسراء" رائعة

غزة" تمثل لك إيه فى حياتك ؟؟"

الصورة المصغرة لحلم حياتى "دولة الأسلام"...لذلك هى عندى غالية.. غالية.. دونها نحرى و مالى

أعطى لإنتمائك لوطنك درجة من مائة ؟؟

أن شاء الله 100% و يبقى العمل ليبرهن على الزعم

لو تزوجت و أنجبت بنتين و ولدين أى الأسماء تختار لهم ؟؟

أحب كثيرا "رنين" و "تسنيم" للبنات و أحب للأولاد "عمر" و "أحمد

غشيت فى أمتحان و انت صغير ؟؟

بفضل الله من 3 أعدادى وأنا لا أغش أبدا و ده بسبب موقف مريت بيه ووالدى_ربنا يكرمه_تعامل معايا فيه بطريقة رائعة غرست فيا هذه القيمة جزاه الله عنى كل خير

لو أتعرض عليك رشوة كبيرة و انت فى زنقة ماليه هتعمل إيه ؟؟

أبدا أن شاء الله - وأذكر "قد نصبر على ألم الجوع و لا نصبر على حر النار"...اللهم أعفو عنا و عافنا

قول 3 صفات ب 3 كلمات بس توصف بيهم شخصيتك ؟

لأ ده صعب ...هسيبهولكم انتم تجاوبوه

اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟

هممممم بما أن السؤال بالنسبة لظروفى الحالية (طالب طب) غير واقعى تماما ههههه سأمتنع عن الاجابة :)

ايه المجال اللى غير دراستك وشايف نفسك فيه قوي ؟

شغل الدعاية و الاعلان

بتحب السفر؟

جدا خصوصا مع الصحبة الحلوة بيبقى ممتع

طب دلوقتى حالا ايه المكان اللى نفسك تكون فيه ؟

القدس الشريف

تمرر التاج ده لمين ؟؟

زيزو

كلمات الصمت

خبيب

عيش ندل تموت محروق

Hero

Small World

أم حــبــيــبــــــــــة

Samt

بــــــذرة أمـــــل

kariemi

جزاكم الله خيرا

وإلى لقاء قريب

بإذن الله

:)